දිනෙන් දින වර්ධනය වන අපූරු දූපත

ජීවීන් හා ශාක පමණක් වර්ධනය වන බවට මතයක් පැවතිය ද මේ වන විට ජපානයේ පිහිටි දුපතක් ද කාලානුරූපීව වර්ධනය වන බවට හෙළිදරව් වී ඇත. මේ එම විස්මිත දුපතේ අපූරු තොරතුරු පෙළගැස්මයි.

නමින් නිෂි- නෝ-ෂිමා හෙවත් වෙස්ටර්න් දුපත නිර්මාණය වී ඇත්තේ භූ ගත යමහල් ක‍්‍රියාවලිය හේතුවෙනි. මෙම අපූරු දුපත ටොකියෝවට නුදුරින් නිර්මාණය වී ඇත. ජපන් වැසියන් මෙම දුපතට රොසයිරෝ දිවයින ලෙස ද ව්‍යවහාර කරයි.

1974 දී ඉතා කුඩා යමහල් කල්දේරාවක් ලෙස නිර්මානය වූ මෙය විශාල වීමට ආරම්භ වූයේ ඉතා කුඩා කල වකවානුවක් පමණී. ඒ මඳිනි මඳ යමහල් කල්දේරාව භූ ගත ලාවා මඟින් සක‍්‍රීවය වීම හේතුවෙනි. 2013  නොවැම්බරයේ දී හටගත් විදාරණය වීම හේතුවෙන් මෙම දුපත දැන් පවතින තත්වයට පත් වීමත් සමඟ ලෝකයේ ම අවධානය මෙම දුපත වෙත යොමු විය. 

2016 වන විට මෙම දුපත කොතරම් වර්ධනය වී තිබුණි ද යතොත් අක්කර 667.18ක් විශාල වී ඇති අතර මෙහි දැන් විවිධ ශාක හා සතුන් ද ජීවත් වීම ආරම්භ වී ඇත. මෙම දුපත කුඩා යමහලක් මෙන් ආරම්භ වී ඇත්තේ වසර 10 000කට එපිටින බැව් භු පර්යේෂකයන් ගේ මතයයි.